თბილისი (GBC) – Tesla-მ ახალი მოდიფიკაციის სედანი Model S და ასევე კროსოვერი Model X წარადგინა.
პირველი მოდელი 2,5 წამში 96კმ/სთ სიჩქარეს ავითარებს, მეორეს კი, ამავე სიჩქარის აღება 2.9 წამში შეუძლია.
მოდერნიზებულ ელექტრო ავტომობილს Tesla S -ს ერთი დამუხტვით თითქმის 507 კილომეტრის გავლა შეუძლია, ახალ Tesla X-ს კი, 465 კილომეტრის.
CNBC-ის ცნობით, სედანი 134,5 ათასი აშშ დოლარი ღირს, კროსოვერი $135,5 ათასი.
Tesla-ს ცნობით, იმ კლინეტებს, რომლებსაც უკვე შეკვეთილი აქვთ ძველი მოდელები და არ მიუღიათ შეკვეთა, შეუძლიათ 10 000 აშშ დოლარის დამატებით, ავტომობილების ბოლო ვერსია მიიღონ.
ძველი ვერსიის მფლობელებს კი, შეუძლიათ ელექტრო ავტომობილები 20 000 აშშ დოლარად განაახლონ.